Mal-qaraların oğurlanmasında şübhəli olanlar saxlanılıb

Göygöl rayon Yeni Zod kəndinin sakini Səfiyəddin Vəliyevə məxsus ümumi dəyəri 1000 manat olan, 2 baş iribuynuzlu heyvanı oğurlanmasında şübhəli bilinən Samux rayon sakinləri- 33 yaşlı  Elman Rüstəmov, 26 yaşlı Nemət Dərgahov, 30 yaşlı Tural Süleymanov və 28 yaşlı Elvin Məmmədov saxlanılıblar.

“Qafqazinfo”ya əsasən Xəbərburo xəbər verir ki, DİN-in Mətbuat Xidmətindən olan məlumata görə,  ilkin dindirilmə zamanı bu şəxslər törətdikləri cinayət hadisəsini etiraf edərək vətəndaşın  heyvanlarını satmaq məqsədi ilə oğurladıqlarını deyiblər.

Davam etdirilən istintaq-əməliyyat tədbirləri zamanı müəyyənləşib ki, Elvin Məmmədov və Tural Süleymanov cari ilin may ayının 12-də həmyerliləri 24 yaşlı Əli Mehdizadə və 34 yaşlı Tural Qədimov ilə birlikdə  Samux rayon sakini olan M. Mehbalıyevaya qarşı soyğunçuluq cinayətini də törədiblər.

Faktlarla bağlı araşdırmalar aparılır.